SpaceX raketa tezlatkichlariga ega uchuvchi Tesla Roadster taqdim etildi
Seriyali ishlab chiqarish 2028-yilga moʻljallangan
Tesla yangi Roadsterʼni rasman namoyish etdi. Taqdimot vertikal tezlanishlar, akrobatik sakrashlar va havodagi tryuklardan iborat shou bilan birga oʻtkazildi.
Yangi avtomobil aql bovar qilmas 0,81 soniyada 97 km/soatgacha tezlikka erishadi. Uning tashqi koʻrinishi 2017-yilgi modelga nisbatan keskin oʻzgargan: silliq va aerodinamik shakllar oʻrnini Cybertruck hamda Lamborghini Reventon estetikasini uygʻunlashtirgan keskin burchaklar egallagan.
Uskunalar qatoriga toʻliq elektron boshqaruv tizimi («by-wire»), faol spoyler, hatto avtomobil joyida turganida ham 2 g gacha bosish kuchini hosil qiladigan kuchli kuzov osti ventilyatorlari va SpaceXʼning 10 ta raketa tezlatkichi kiradi. Ikki dona 600 litrlik ballonidagi siqilgan havo bilan ishlaydigan bu soplolar avtomobilga parvozning oʻzida ham boshqariluvchanlikni taʼminlaydi.
