Starlink hozir dunyodagi har toʻrtinchi samolyotda
Bu qariyb 12 000 ta laynerni tashkil etadi
Kelishuvlar dunyodagi mavjud tijoriy aviatsiya parkining qariyb chorak qismiga toʻgʻri keladi. Biznes-jetlar, yuk samolyotlari va yengil aviatsiya hisob-kitobga kiritilmagan.
Oʻtgan chorakda Starlink qurilmalari oʻrnatilgan laynerlar Asiana Airlines, Lufthansa, Korean Air, Swiss, Copa Airlines va Austrian Airlines aviakompaniyalarida qatnovlarni boshladi. Yil boshidan buyon SpaceX aviatsiya uskunalarini ishlab chiqarish hajmini toʻrt baravar oshirdi, 2026 yil oxirigacha esa uni yana ikki baravar koʻpaytirishni rejalashtirmoqda.
SpaceX Starlinkʼning mavjudligi yoʻlovchilarning aviakompaniya tanloviga taʼsir qilishini taʼkidlamoqda. Kompaniya, shuningdek, oʻzining aloqa tizimi oʻrnatilgan samolyotlarda yoʻlovchilar bilan toʻlish darajasi yuqoriroq ekanini bildirmoqda.
