Bill Geyts 2027-yilga borib sunʼiy intellekt keltirib chiqarishi mumkin boʻlgan kiberxavflardan ogohlantirdi
Microsoft hammuassisi sunʼiy intellekt moliyaviy tizimlar va infratuzilmaga qarshi keng koʻlamli hujumlar uyushtirish vositasiga aylanishini aytdi, deb xabar bermoqda CNN.
Bill Geytsning fikricha, 2027-yilning oʻzidayoq sunʼiy intellekt kiberhujumlar, tovlamachilik va moliyaviy tizimlar ishida uzilishlarni keltirib chiqarish uchun qoʻllanadi. Uning baholashicha, mavjud himoya choralari yangi tahdidlarga dosh bera olmaydi.
U CNNʼga bergan intervyusida ishonchli cheklovlarsiz ilgʻor sunʼiy intellekt modellaridan foydalanish imkoniga ega boʻlgan jinoyatchilar «yoqimsiz kutilmagan hodisalar» uyushtirishi mumkinligini taʼkidladi. Xatarlar qatoriga tovon puli talab qilinadigan hujumlar va fond bozorlaridagi manipulyatsiyalar kiradi.
Ishlab chiquvchilar kiberjinoyatchilik va bioterrorizmga qarshi himoya mexanizmlarini joriy etmoqda, biroq bu cheklovlarni chetlab oʻtish mumkin. Geyts eng yaqin tahdid sunʼiy intellektning oʻz-oʻzidan nazoratdan chiqishi emas, balki undan yovuz niyatli shaxslar foydalanishi ekanini taʼkidladi. Jiddiyroq texnologik xatarlar keyinroq namoyon boʻlishi mumkin.
