Microsoft Nscale bilan Nvidiaʼning 23 000 ta sunʼiy intellekt chipini ijaraga olish boʻyicha shartnomani bekor qildi
Bunga Esseksdagi obyektning kechikayotgani sabab boʻldi — unga elektr energiyasi faqat 2030-yillarda berilishi mumkin
Nscale AQShda aksiyalarini joylashtirishni rejalashtirmoqda va biznesini koʻpi bilan 35 mlrd dollarga baholamoqda. Kompaniyaning hisoblash infratuzilmasiga investitsiyalarini moliyalashtirish uchun yirik texnologik oʻyinchilar bilan uzoq muddatli kelishuvlar ayniqsa muhim. Ammo endi obyektning ommaga maʼlum qilingan boshqa mijozlari yoʻq, Microsoft esa uning asosiy ijarachisi boʻlishi kerak edi.
Nscaleʼning 103 mlrd dollarni tashkil etuvchi shartnomaviy daromadining 40 foizdan ortigʻi Microsoft hissasiga toʻgʻri keladi; Britaniyadagi obyekt bu summaning kichik qismini berishi taxmin qilinmoqda. Boshqa yirik mijozlar qatoriga Anthropic ham kiradi.
