Bepul Pokémon oʻyini 5 yillik faoliyatidan soʻng yopiladi
Oʻyin serverlarini 2027-yil 22-martda oʻchirish rejalashtirilgan, shundan soʻng u Nintendo Switch, Android va iOS qurilmalarida mavjud boʻlmaydi.
Pokémon Unite 2021-yil yozida chiqdi. Pokémon UNITE Aeos Crown 2027 turnirining finali serverlar oʻchirilishidan bir kun oldin oʻtkazilishi kerak. The Pokémon Company oʻyinni qoʻllab-quvvatlashni toʻxtatish sababini maʼlum qilmadi.
Gems savdosi allaqachon toʻxtatilgan. Ishlatilmagan, xarid qilingan Gems oʻyinchilarga xizmat ishlashi tugaganidan keyin qaytariladi. Aʼzoliklar amal qilish muddati tugaguncha faol boʻlib qoladi, biroq ularni uzaytirib boʻlmaydi.
2026-yil 12-noyabrda oʻyin maxsus tadbirni oʻz ichiga olgan soʻnggi yangilanishni oladi: foydalanuvchilar oʻtkazib yuborilgan litsenziyalar va holowearʼni qoʻlga kiritishlari mumkin boʻladi. Yangilanishda Library ham paydo boʻladi — oʻyin yopilganidan keyin u statistika va ochilgan kontentni koʻrish imkonini beradi. Oʻyin ichidagi doʻkon avval sotilmay qolgan buyumlarni, jumladan Battle Pass mahsulotlari va tadbirlarga xos holowearʼni sezilarli chegirma bilan sotuvga chiqaradi.
