Phantom Blade Zeroʻning ilk sharhi
Sharhda oʻyin 10 balldan 8,5 ballga baholandi, kompyuter va PlayStation 5 uchun rasmiy reliz esa 29-oktabrga rejalashtirilgan.
Sharh mualliflari jangovar tizimni soʻnggi yillardagi janrning eng kuchli jihatlaridan biri deb atadi. Jurnalistlar, shuningdek, yuqori surʼat, ravon animatsiyalar, koʻrkam kung-fu usullari, «Sha-Chi» energiyasini boshqarish, u-sya-fentezi ruhidagi qorongʻi muhit va musiqani alohida taʼkidladi. Oʻyinda 30 dan ortiq qurol turi mavjud, koʻnikmalarni esa turli jihozlanish toʻplamlari bilan tajriba oʻtkazish uchun bepul qayta tiklash mumkin.
Tanqidchilar kamchiliklar qatorida hudud birinchi marta tozalangach, oddiy dushmanlarning yoʻqolib qolishini qayd etdi: keyinchalik sandiq va sirlarni izlash paytida lokatsiyalar boʻshligicha qoladi. Yorqin boshliqlar fonida oddiy dushmanlar dizayni ularga bir xildek tuyulgan, ayrim boshliqlar bilan janglar esa shu qadar uzoq davom etganki, ishlab chiquvchilar bosqichlar orasida oʻyinni saqlash imkoniyatini qoʻshgan. Bundan tashqari, oʻyinda geympaddagi boshqaruvni erkin sozlab boʻlmaydi.
Boshqa oʻyin nashrlarining baholari rasmiy embargo bekor qilingach kutilmoqda.
