Anduril va Qualcomm BlueChip noutbukini taqdim etdi
Kompaniyalar AQShda himoyalangan noutbuklar ishlab chiqarishni va 2027-yildan buyurtmalar qabul qilishni rejalashtirmoqda
Anduril asoschisi Palmer Laki barcha komponentlar, jumladan, hozir faqat Xitoyda ishlab chiqarilayotgan qismlar bilan birga kompyuterlar ishlab chiqarishni AQShga qaytarmoqchi. Birinchi model harbiylar, davlat organlari, favqulodda xizmatlar va huquqni muhofaza qiluvchi organlar xodimlari uchun moʻljallangan himoyalangan noutbuk boʻladi. Yomgʻir, chang va boshqa ogʻir sharoitlardan himoyalangani sababli u ogʻirroq boʻladi, batareya quvvati bilan ishlash vaqti esa cheklangan boʻladi.
BlueChip Snapdragon X Series protsessoriga ega boʻladi. Bu protsessor Arizonadagi yangi TSCM korxonasida ishlab chiqariladi. Qualcomm bosh direktori Krishtianu Eymonning aytishicha, chip boshqa noutbuklar, jumladan Microsoft Surface qurilmalaridagi kabi arxitekturadan foydalanadi.
Anduril buyurtmachilar kuzatishi va tekshirishi mumkin boʻlgan shaffof taʼminot zanjiriga tayanmoqda. Kompaniya qurilmani Windows ilovalari, Linuxʼning ayrim distributivlari va davlat organlarida qoʻllanadigan eskirgan dasturlar bilan ishlashga ham moslashtiradi. Narx hozircha eʼlon qilinmagan, biroq Laki noutbuk oddiy yuqori toifadagi modellardan taxminan 20 foiz qimmatroq boʻlishini kutmoqda.
