SpaceX yiliga 10 mingtagacha Starship uchirilishini rejalashtirmoqda
AQSh Federal aviatsiya maʼmuriyati (FAA) yangi kosmodromlarni joylashtirish hamda raketa uchirilishlariga havo hududida ustuvorlik berish boʻyicha takliflar izlamoqda.
Ilon Maskning soʻzlariga koʻra, Luizianada joylashgan Starbase bir yil davomida 10 000 tagacha Starship uchirilishini taʼminlay oladi.
2035-yilga borib, FAA AQShda yiliga amalga oshiriladigan raketa uchirilishlari soni 10 000 tagacha yetishi mumkin, deb hisoblaydi.
FAAga yuborgan murojaatida SpaceX asosiy toʻsiq raketalarning oʻzi emas, balki havo harakatini boshqarishning eskirgan tartibi ekanini taʼkidladi. Havo hududidan foydalanishni muvofiqlashtirish uchun kompaniya maxsus vosita yaratdi va AQShning eng yirik aviakompaniyalari undan bepul foydalanish imkoniga ega ekanini bildirdi.
Kompaniya maʼlum qilishicha, boʻlajak Starbase majmuasi sutkasiga taxminan 30 ta raketa uchirilishi va qaytishini amalga oshirishga moʻljallanmoqda.
