Apple sensorli ekranli ilk MacBook Pro chiqarilishini eʼlon qildi
Oldindan buyurtma 2026-yil 28-oktabrdan ochiq, sotuvlar esa 2026-yil 6-noyabrda boshlanadi. Narxi $2 899 dan boshlanadi
Yangi MacBook Pro tandem OLED texnologiyasiga asoslangan PROLED XDR displeyi bilan jihozlangan. Ekran yuqori yorqinlik va kontrastga, adaptiv yangilanish chastotasini qoʻllab-quvvatlashga, shuningdek, tasvirlar va videolar bilan professional ishlash uchun kengaytirilgan rang qamroviga ega.
Sensorli qatlam panel ustiga joylashtirilmagan, balki uning ichiga bevosita integratsiya qilingan. Appleʼning taʼkidlashicha, bu kechikishni kamaytiradi. Sensorli boshqaruvdan sahifalarni aylantirish, fotosuratlar bilan ishlash, ilovalarni sinash va virtual cholgʻu asboblarida ijro etish uchun foydalanish mumkin.
Displeyda Live Activities, Spotlight va Siri uchun Dynamic Island paydo boʻldi. Noutbuk, shuningdek, yanada yupqaroq korpus, yangilangan sharnir konstruksiyasi, takomillashtirilgan akustik tizim va Thunderbolt 5 portlariga ega boʻldi hamda bir nechta tashqi monitorni ulashni qoʻllab-quvvatlaydi.
