Valve Steamʼda sunʼiy intellekt yordamida yaratilgan oʻyin klonlarini taqiqlamaydi
Oktabr oyida oʻtkazilgan «Oʻyinlar boʻlsin» festivalida 7,2 mingdan ortiq demo ishtirok etdi, ularning 36 foizi sunʼiy intellekt yordamida yaratilgan.
Valve ishlab chiquvchilarning sunʼiy intellekt vositalaridan foydalanishini cheklashni rejalashtirmayapti. Bu haqda Steam vakillari Tom Djardino va Mark Uilkinson Janubiy Koreyada boʻlib oʻtgan Steam Indie Connect konferensiyasida maʼlum qildi.
Djardinoning fikricha, klonlar sunʼiy intellekt paydo boʻlishidan oldin ham mavjud boʻlgan, biroq endi nusxalar yaratish tezlashdi. Uning soʻzlariga koʻra, ishlab chiquvchilar loyihalarini oson takrorlanadigan bitta mexanika bilan emas, balki funksiyalar, oʻziga xos xarakter va original gʻoyalar uygʻunligi bilan himoya qilishi kerak.
Uilkinson festivalda tavsiyalar algoritmi demoversiyalarni tasodifiy tartibda koʻrsatganini tan oldi. Shu sababli foydalanuvchilar past sifatli loyihalarni koʻproq koʻrgan, Valve esa bu muammoga yechim izlamoqda.
