Grok Bot hatto Mask uchun ham juda qimmat boʻlib chiqdi
SpaceX bosh direktori Ilon Mask Grok Botʼning haftalik limitlari nosozlik sabab emas, balki xizmatni yuritish xarajatlari undan tushadigan daromadga nisbatan haddan tashqari yuqori boʻlgani uchun tugaganini tasdiqladi.
X foydalanuvchilari haftalik limitlari toʻsatdan 100 foizga yetganini maʼlum qildi. Ayrim foydalanuvchilarda esa, tunda botdan foydalanmagan boʻlishlariga qaramay, bu koʻrsatkich 50 foizlik darajadan koʻtarildi. Mask buni foydalanuvchilardan birining savoliga javoban tasdiqladi.
SpaceX bayonotida sunʼiy intellekt kompaniya daromadining 52 foizini keltirayotgani aytiladi. Qayta nomlangan Super Intelligence boʻlinmasi $431 mln foyda koʻrgan, Cursorʼni sotib olish uchun bir martalik xarajatlar esa $1,2 mlrdni tashkil etgan.
Mask obunachilar uchun limitlar qanday oʻzgarishini hozircha aniqlashtirmadi. Shu bilan birga, u Grok Bot oilaga sovgʻalar xarid qilishda yordam berishi mumkinligini taʼkidlashda davom etdi.
