Codex shunchalik koʻp ish yaratdiki, OpenAI kodni saqlash tizimini qayta qurishga majbur boʻldi
OpenAI Gitʼning standart vositalari bilan mos keluvchi Pando bekendini taqdim etdi. U kuniga qariyb bir petabayt maʼlumotni qayta ishlaydi, biroq hozircha faqat ayrim korporativ hamkorlar uchun mavjud.
Codex kabi kod yozishni avtomatlashtirish vositalaridan foydalanishning kengayishi OpenAIʼning versiyalarni boshqarish tizimiga tushadigan yuklamani oshirdi. Avvalgi infratuzilmaning ishonchliligi 90 foizdan pastga tushdi; yuklab olish va klonlash jarayonlarida kechikishlar, birlashtirish xatolari hamda repozitoriylar hajmiga qoʻyilgan cheklovlar yuzaga keldi.
Pando oʻzgarishlarni kod branchlariga alohida qabul qiladi, kiruvchi pack-fayllarni esa mahalliy repozitoriyda ochmasdan obyektli xotiraga yuboradi. Kod taqdim etilayotganda saqlangan paketlar va mintaqaviy keshlar qoʻllanadi. Kompaniya soʻrovlarning 99 foizdan ortigʻi keshlanishini hamda oʻzgarishlarni yuborishdagi kechikish qariyb besh baravar qisqarganini maʼlum qildi.
Tizimni ishlab chiqishga 10 hafta ketdi, Codex agentlari guruhlari esa uni Rust tilida yaratdi. Bekend ochiq dasturiy taʼminotga aylantirilmadi. 2026-yil 2-noyabrdagi rasmiy eʼlondan soʻng Pando ayrim korporativ hamkorlar uchun cheklangan dastlabki koʻrish rejimida mavjud; tijoriy foydalanish imkoniyatini 2027-yilning birinchi choragida kengaytirish rejalashtirilmoqda.
