MacBook Pro ilk sharhlarda OLED ekrani uchun maqtaldi, sensor boshqaruv esa maqtalmadi

Yangi noutbuklar tasvir sifati uchun yuqori baho oldi. Sharh mualliflari displeyni MacBook Proʻning asosiy afzalligi deb hisoblaydi va Apple uni sanoatdagi eng yaxshi ekranlardan biri deb atab, boʻrttirmaganini taʼkidlaydi. Shu bilan birga, deyarli barchasi qurilmalarning yuqori narxiga eʼtibor qaratgan.

Mutaxassislar sensor ekranni asosiy oʻzgarishdan koʻra qoʻshimcha imkoniyat sifatida koʻrmoqda. Sharhlarda qurilma egalari undan ehtimol kamdan-kam foydalanishi aytiladi. Ayrim mualliflar Appleʼning hozirgi yondashuvini kompaniyaning avvalgi pozitsiyasi bilan ham taqqoslagan: Apple asoschisi Stiv Jobs noutbuklarda sensor ekranlarni qoʻllab-quvvatlamagan, Apple rahbari Jon Ternus esa ularni joriy etish uchun ayni payt kelgan deb hisoblaydi.

Sharhlovchilar ekrandan tashqari, yaxshilangan ovoz sifatini ham qayd etdi. Audio tizim oltita karnayni, jumladan tebranishlarni bostiruvchi toʻrtta past chastotali nurlatgichni saqlab qolgan, biroq yangilangan drayverlar ovozni tiniqroq qilgan.

Tanqidlar ham boʻldi. MacBook Pro avvalgi versiyadan atigi biroz unumdor, yuqori yuklama ostida esa sovitish tizimi shovqin bilan ishlaydi. Nanoteksturali qoplamaga ega boʻlmagan bazaviy ekranda izlar koʻzga tashlanadi. Shunga qaramay, sharhlardan biri ushbu modelni noutbuklar uchun sensor ekranlar sohasidagi yangi mezon deb atadi, PC Magazine esa unga 4,5 yulduz berdi va «Tahririyat tanlovi» mukofotini topshirdi.