IT Park va ESDigital Games GameDevʼni qoʻllab-quvvatlash masalasini muhokama qildi
IT Park Uzbekistan va ESDigital Games Oʻzbekistonning oʻyin studiyalariga yordam berish hamda ularning loyihalarini xorijiy bozorlarga olib chiqish masalalarini muhokama qildi.
Oʻzbekistonda IT Park Uzbekistan vakillari xalqaro videooʻyinlar nashriyotchisi ESDigital Games bilan muzokaralar oʻtkazdi. Tomonlar kompyuter oʻyinlarini yaratish va targʻib qilish borasidagi hamkorlikni muhokama qildi.
IT Park Uzbekistan nomidan eksportni rivojlantirish boshqarmasi rahbari Azamat Rahmon-Zoda, ESDigital Games nomidan esa boshqaruvchi direktor Oleg Kudishov ishtirok etdi. Mehmonlar mamlakat oʻyin industriyasining holati, IT Park rezidentlari uchun shart-sharoitlar va mavjud kadrlar salohiyati haqida maʼlumot oldi.
ESDigital Games taʼkidlaganidek, kompaniya oʻyin industriyasida 30 yildan ortiq faoliyat yuritib kelmoqda. Bundan tashqari, tomonlar mintaqaviy videooʻyinlar yaratish ekotizimini rivojlantirish boʻyicha qoʻshma qadamlarni ham koʻrib chiqdi.
