Promptdan SoundCloudgacha: ElevenLabs AI musiqasini bevosita joylash imkonini qoʻshdi
ElevenMusic foydalanuvchilari endi sunʼiy intellekt yordamida yaratilgan kompozitsiyalarni toʻgʻridan-toʻgʻri SoundCloudʼga yuborishlari mumkin
ElevenLabs ElevenMusic musiqiy platformasiga treklarni SoundCloudʼda bevosita joylash imkoniyatini qoʻshdi.
Integratsiya kompozitsiya yaratish va uni striming platformasida joylashtirish jarayonlarini bogʻlaydi. ElevenMusic matnli soʻrovlar asosida qoʻshiqlar yaratish, shuningdek, vokal va musiqiy uslublar bilan ishlash imkonini beradi.
ElevenLabs musiqa yaratishga moʻljallangan ilk modelini 2025 yil yozida taqdim etgan. 2026 yil bahorida kompaniya qoʻshiqlar yaratish uchun alohida ilovani chiqardi, keyin esa vokalni qayta ishlash va kompozitsiya ichida janrlarni almashtirish imkoniyatlarini kengaytirgan holda modelni yangiladi.
ElevenLabsʼning oʻzi bergan maʼlumotlarga koʻra, foydalanuvchilar uning musiqiy modellari yordamida 25 mln trekdan ortiq yaratgan. Bu koʻrsatkich eʼlon qilingan qoʻshiqlar yoki tinglovchilar sonini emas, balki generatsiyalar sonini aks ettiradi.
SoundCloud uchun bu musiqiy AI vositalari sohasidagi yana bir hamkorlikdir. Avvalroq platforma Moises bilan treklarni keyinchalik qayta ishlash va joylashtirish uchun servislar oʻrtasida almashish haqida kelishuvga erishgan.
